أحمد عز يخرج عن صمته و يوجة رسالة إلى جمهورة

خرج الفنان أحمد عز عن صمته بعد صدور محكمة الأسرة حكمها بثبوت نسب الطفلين “عز الدين” و “زين الدين” إليه و أبوته لهما، و لكن الأغرب فيما نشرته الصفحة المنسوبة إليه على موقع التواصل “إنستجرام”، حيث أرسل برسالة إلى جمهوره و لكنه أصر على أن التوأم ليسوا أولادة، و كان نص الرسالة كالأتي:”مساء الفل على عيلتي و أهلي، ناس كتير كانوا سألوا عليا أمبارح، و أنا بطمنكوا أنا كويس و زي الفل و الحمد لله و راضي باللي ربنا كتبهولي، ده أنا مش بس راضي ده أنا كمان سعيد بالابتلاء، عشان واثق في ربنا أنه هينصرني عاجلا أو أجلا، و اللي أنا فيه ده رفع درجات بإذن الله”.

أحمد عز

و أضافت الصفحة المنسوبة إليه :”طبعا أنا مش طالع أعلق على أحكام القضاء ولا هتكلم و أعمل دوشه، عشان أنا سايب حقي على ربنا العادل الحق، اللي بقوله ده هو نفسه اللي بقوله من أول يوم في القضية، و اللي هفضل أقوله لحد أخر يوم و نفس في عمري، و ربنا يشهد على كلامي ده أقسم برب العظيم لا أتجوزنا رسمي ولا عرفي ولا شفهي ولا ثانية واحدة و إن شاء الله يكون معاها 100 شهادة ميلاد و 100 شهادة حكم، برضو مش ولادي”.

و اختتمت الرسالة بهذه الآية الكريمة

                                          “وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ”.

و كانت محكمة الأسرة قد أعلنت حكمها أول أمس بثبوت نسب الطفلين إلى الفنان أحمد عز، و لكنه ما زال حتي الآن يقول أنهم ليسوا أولادة، و لكن الحكم قد صدر لصالح زينة و على أثره سوف تستخرج شهادات ميلاد لأبنائها، و تستطيع رفع دعوي نفقة على عز الآن.