رد بوسي علي والدها

ردت المطربة الشعبية بوسي علي تصريحات والدها، التي أثارت الجدل مؤخرًا، إذ تحدث عن إهمال ابنته له وعدم مساعدته ماديًا خاصة وإنه مريض لا يقدر على العمل_ بحسب تصريحاته_.



ونفت "بوسي"، كل ما ذكره والدها، من خلال بيان لها قالت خلاله إنها تتعرض لحملة تشويه وأن والدها تم استغلاله للنيل منها: "أنا مش مصدقة اللى بيحصل، خاصة أني لم أقصر لحظة واحدة فى تقديم المساعدة والعون لوالدي، وكل طلباته مجابة على قدر ما استطيع وأكثر، وأرسلت له مبلغا من المال قبل حديثه لوسائل الإعلام بيومين"، وأضافت :"بكل أسف الناس ما بتصدق تلاقي كلام من هذا القبيل حتى يتعاطفون معه دون النظر إلى الطرف الآخر أو معرفة الحقيقة".


وأضافت: "قبل أن تحكموا على شخصى وتنالوا منى اعرفوا الحكاية، أنا المظلومة وليس أبى، ويعلم الله أني لم أقصر معه ولا مرة وهو يعلم ذلك، وكنت أرسل له المال مع إخوتى"، وأضافت: "مررت بظروف صعبة كادت تهتك أي بني آدم ومررت بأزمة طاحنة ولم أجد أبي معي، لكني حريصة كل الحرص على صلة الرحم رغم الجفا الذي رأيته منه"


يذكر أن محمد شعبان والد "بوسي"، قال في مداخلة هاتفية لبرنامج "رأي عام" عبر فضائية TEN، إنبسبب مشاكل مع طليقها فطين سعيد، انشغلت عنه لنحو 4 سنوات، وانقطعت عن مساعدته ماليا رغم معاناته صحيا، مضيفًا: "بوسي بنتي، وهي مابترفضش إنها تساعدني، وعلاقتنا كويسة، ولكن هي كانت الأول من 4 سنين بتبعتلي فلوس عشان عارفة إني تعبان، نظري خلاص انتهى، وعندي حساسية شديدة في صدري، وعندي عملية ولكن لو أخدت حقنة بنج هموت فيها، وقفلت الورشة بتاعتي اللي كنت باكل منها، ومعنديش مصدر رزق تاني آكل وأعيش منه". 

تابع: "هي لما حصلها مشكلتها مع زوجها هربت 9 شهور في لبنان، وانشغلت عني ومبقاش بإيدها إنها تبعتلي فلوس، هي هتخلص مشكلتها ولّا تخلصني ولا هتعمل إيه؟ ولكني انتظرت المدة دي كلها لحد ما مديت إيدي للناس، فيه ناس ساعدوني كتير عشان آكل وأشرب وأعيش، وطبعا ولادي التانيين كل اللي بيقدروا يعملوه إني آكل وأشرب، لكن مش بيقدروا يجيبوا العلاج، علاجي شديد وغالي، ولكن إمكانيات بوسي اليومين دول متسمحش إنها تبعتلي فلوس". هو واستكمل: "هي كل مرة بتكلمني تقولي بكرة ولا بعده هحولك فلوس، أنا مش زعلان منها، أزعل من بنتي إزاي؟ مقدرش أزعل من بنتي، ولا هي زعلانة مني ولا حاجة، أنا بدعيلها إن ربنا ينجيها من الأزمات اللي هي فيها".