أزمة ياسمين عبد العزيز تتجدد .. رد قاسى جديد من وائل بعد بوست الطريق الشمال

ياسمين عبد العزيز وأحمد العوضى، اسم الأزمة الجديدة التى شغلت الوسط الفنى خاصة بعد منشور أثار جدلا من أخى الفنانة الشابة يتحدث فيه عن سلوكها فى الفترة الأخيرة ـ على حد وصفه.لأزمة شهدت ردا من أحمد العوضى على شقيق ياسمين عبد العزيز ، اتهمه فيه بالعيش على نفقات شقيقته، وهو ما أثار جدلا أكبر، واستتبعه رد من وائل عبد العزيز على الأمر،لردالاتهامات.

قال وائل عبد العزيز فى رده على أحمد العوضى إن شقيقته ياسمين عبد العزيز لم تمنحه يوما "جنيه فى جيبه"، على حد قوله، مضيفا: "ردّك متوقع جدا لان هو ده أسلوبك ومش هيتغير بس أنا هرد عليكبالنسبه إن حد بيصرف علّيا عمرها ما اديتنى جنيه فى جيبى".وأضاف: "أحب أفكرك إنى قاعد فى بيت ايجار وراكب عربية تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان أغير عربيتى قريب.. وحتى لو حد من أهلى ساعدنى فى وقت ضيقة انت مالك !! .. والا معندكش كلام تقوله؟".
وتابع: "أما الشغل الى انا فاشل فيه فا لو بتعتبر 17 جايزة أخدتهم فى أربع سنين فشل فا ياريت تعرف تبقى فاشل زيى لكنك مش هتعرف للأسف .. ومش انت اللى تحدد فشلى ونجاحى فى أى شئ لأنك طالع على رقبة الناس".ولفت إلى أنه "أما أختى فالمواقف والسنين الى فاتت هيا اللى هتبين أنا عملت عشانها إيه .. وكلمة إنى طالع على حسها كل الناس عارفة إنى شقيت طريقى لوحدى من 15 سنة وعلى الرغم من ده فا أنا عادى أبطل تمثيل من بكره قدام مصالح أختى".  وقال: "أخيرا بقى .. ردّك ده علّيا اثبتلى إنك ولا همك الإنسانة الى انت ماشى تعاكسها فى كل حته وعلى صفاحات السوشيال وسيبت المهم وابتديت فى تشويهى ومفكرتش تاخد خطوة محترمة تجاهها إلا إنك جريت على الترند وهتشتغل شغل قذر لأن ده الى يهمك "ترند"، دور بطولة، فلوس، عربيات. وأضاف أنه "بالنسبة للناس اللى بتقول إنى بتكلم على موضوع زاى ده على السوشيال ياريت تدخلوا تشوفوا صفحاتهم وتعرفوا إن الموضوع متعارف عليه للناس إلا أهلها.. ياسمين سالتنى بعد الطلاق انها ممكن تحب وتتجوز وانا اول واحد قولتلها طبعًا حبيبتى ومن حقك وهبقى أول حد يفرحلك .. بس مش انت !! لأنى أعرفك من سنين وعارف نواياك والأيام هتثبت صحه كلامى".  اختتم : "نصيحة منى ليك لما تدخل على ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقى قوية تانى.. مش يتصور صور زى دى يا محترم، وأخيرا فى 5 أكونت باسمى على فيس بوك وإنستجرام معرفش عنهم حاجة.وده آخر كلام عندى فى الموضوع ده وهسيبه للأيام تكشف الحقائق".