كارثة بالصور: بلطجية..”إحنا في بلد أكل حقوق وهنرجع الحق لصحابه” ويعرضون خدماتهم على المصريين نظير مبالغ مالية

“باختصار علشان إحنا بلد أكل الحقوق , بلد القوي بياكل الضعيف , احنا قررنا اننا مش هنسيب حق حد إلا لما نرجعه”، كانت هذه كلمات بلطجية أسسوا صفحة على الفيس بوك باسم “السراج لأعمال البلطجة واسترداد الحقوق” وقاموا بعرض خدماتهم على المصريين نظير مبالغ مالية، على حسب الحالة، وعرضوا تخفيضات على الأسعار بمناسبة شهر رمضان، ولا شك أن هذا يعتبر كارثة ومصيبة، لأن مثل هذه الأشياء لا تحدث إلا في البلاد التي يغيب فيها القانون.

وقال أدمن صفحة السراج في التعريف بهم “احنا مين؟!.. باختصار بداية الحكاية إني كنت راكب ميكروباص، وكان ليا باقي قولت للراجل ابعت الباقي، وبعد جدال قالّي ملكش حاجة. قلتله بالعافية يا أسطى؟ قالّي آه. ولأني أعرف بلطجية كتير، كلمتهم جولي عند الموقف وكسّرنا الميكروباص بتاع الرجل بمعنى كلمة التكسير، علشان 2 جنيه، طبعًا راضيت البلطجية، واديتهم فلوس أكتر من الـ 2 جنيه أكيد، بس كنت مبسوط جدا علشان خدت حقي علشان محدش أجبرني على حاجة”.



وأضاف قائلاً “اكتشف إن فيه ناس كتير نفسها تاخد حقها، بس ما تعرفش بلطجية، فجمعت الرجاله البلطجية واتفقت معاهم إنهم هيرجعو حق أي حد محتاج، وهياخدو حق تعبهم بس، والأسعار هتكون رخيصة. وقررنا إننا نعرض الخدمات دي على الناس، ونساعد الناس تسترد حقوقها ف البلد دي، عشان احنا في بلد مفهاش قانون يحميك أو يجبلك حقك، لو عربيتك اتسرقت، الشرطة م بترجعهاش، لو حد وقفك فـ الشارع وخد فلوسك محدش هيحميك، لو أي حد أطول أو أكبر أو عنده ناس أكتر منك يقدر ما يديكش حقك، ياكل عليك فلوس أيا كان”.